اكسسوارات كروشية

طريقة عمل خرز الكروشية

الادوات: خيط قطن رفيع , ابرة ستانلس مقاس 12 وخرز خشب او بلاستك

اولا نقوم بلف طرف الخيط لعمل دائرة بهذ الشكل

من اسفل هذه الدائرة ندخل الابرة ثم نقوم بسحب الخيط واخراجه خارج الدائرة

نقوم بعمل سلسلة

ثم 8 غرز حشو بداخل هذه الدائر

بعد ذلك نقوم بشد طرف الخيط جيدا لعمل دائرة بداية للخرزة بهذا الشكل

ندخل الابرة فى اول غرزة حشو ونقوم بعمل غرزتين حشو فى كل غرزة حشو ثم غرزة حشو فى كل غرزة

 حتى نصل لهذا الارتفاع

نقوم بعمل تنقيص بقفل كل غرزتين حشو مرة واحدة وهكذا حتى تصبح الخرزة بهذا الشكل

فى النهاية نقطع الخيط ونترك مسافة تكفى لادخال ابرة خياطة وتقفيل الخرزة بشكل جيد

اتمنى اكون افدتكم 

حافظة ورق كروشية

كتير مننا بنعانى من مشكلة الورق فى شنطة اليد

انا شخصيا بحتاج اوراق مهمه تكون فى شنطتى معظم الوقت بس للاسف بعد وقت قليل جدا الورق بيفقد شكله وهيبتة وفى معظم الوقت صلاحيتة !

 علشان كده انا فكرت فى حل للمشكلة دى 

ودى كانت محاولتى فى الحل

حافظة للاوراق داخل شنطة اليد

 

الادوات

رول مناديل المطبخ الفارغ

خيط صوف

ابره الومنيوم مناسبة لسمك الخيط

اولا نشتغل 5 سلسلة ونقفل بمنزلقة لتكوين دائرة صغيرة

 نطلع ب 3 سلسلة بدل اول عمود ونشتغل بداخل الدائرة الصغيرة 14 عمود ونقفل بمنزلقة فى السلسلة التالتة من 

(3 سلسلة بدل اول عمود)

نطلع ب3 سلسلة بدل اول عمود ونشتغل فى كل عمود من الدور الاول عمودين ليصبح مجموع الاعمدة فى الدور الثانى 30عمود ثم نقفل بمنزلقة فى السلسلة الثالثة من 

(3 سلسة بدل اول عمود)

نطلع ب 3 سلسلة بدل اول عمود ثم نشتغل عمود فى عمود ثم عمود فى عمود ثم عمود فى عمود ثم عمودين فى عمود اى 3 اعمدة فى 3 اعمدة و عمودين فى عمود ويكون بهذا الشكل

نبدأ من هنا ندخل الرول بداخل الدائرة المقوصة 

ثم بعد ذلك نرتفع بدون اى زيادة اى 3 سلسلة بدل اول عمود ثم فى كل عمود من الدور السابق نشتغل عمود وهكذا

حتى نصل للطول المطلوب

 نقطع الخيط ثم نشتغل سلسلة تقريبا 70 سلسلة 

 ندخل هذه السلسلة فى اخر صف اعمدة من الرول لتكون قفل الرول الكروشية

ثم لكى لا تخرج السلسلة كلما فتحنا الرول نحضر الاتى

 نقوم بعمل الخرزتين فى اطراف السلسلة

 وهذه طريقة وضع الورق

اتمنى تكون فكرة مفيدة

جراب كروشية لفلاش ميمورى

اعتقد اى واحدة عندها اطفال مش هاتندهش لو قلتلها ان اللى فى الصورة دى كانت  فلاش ميموري

 (USB flash memory)

الحقيقة انا مافقدتش الامل بعد الي حصلها قررت استرها وعملتلها غطا من الكروشية هاشرح طريقتة بالتفصيل

اولاً دى الادوات ابرة ستنالس مقاس 12 او اى ابرة ستنالس صغيرة بس 12
افضلهم فى الحاجات دى وخيط رفيع جدا

نعمل 4 سلسله ونرتفع سلسلة ونعمل 3 غرزة حشو فى السلسلة الاخيرة 

وبعدين نكمل حشو فى السلسلتين التانين وبعدين 3 حشو فى السلسلة الاولى وبعدين نلف الشغل ونعمل حشو فى نفس السلسلتين الى فى النص بس من الجهة العكسية بعدين نكمل عادى الدور التانى من غير ارتفاع ونعمل فى التلاته حشو الى على الطرفين فى كل حشو اتنين حشو

لان الخيط صغير مكانتش باينة الخطوة دى فى التصوير  

بيكون ده شكلها بعد الدور التانى

بعدين بنكمل بنفس الطريقة لحد ارتفاع الفلاش

وبعد كده فى اخر سطر بنعمل غرزتين تنقيص لحد ماتلاقي الجراب ماسك عالفلاش من الطرف ومش سهل ينزل

نقطع الخيط وبنفس طريقة البداية هانكرر نفس الخطوات بس المرادى علشان نعمل غطا للجراب

ونقيس الشغل على الفلاش لحد مانوصل للطول المطلوب وطبعا بنديق بغرزتين تنقيص فى اخر سطر علشان برضة مايكونش سهل انه ينزل

بنقطع الخيط وندارى الفتل فى الشغل وندخل فى الكافر من الجنب 

ونعمل 10 سلسلة نقفلهم بمنزلقة فى الغطا من الجنب

وبيكون ده شكلها